والدفا ثـوب المدينــه .. كل بـرد استعــذبه

رغبة الغايب تنامت يوم اخذ شكل الغياب

كــل شيٍ مــا تطــولـه باليديـن .. وتكسـبــه

ينبني لـه في خيـالك ألف ســور والـف باب !

مثـلك انـت المستحــيــل ومثلي اللي يطـلــبه

ما منــع عشق الصحــاري للمطـر بعد السحاب

ادري ان الحــب نـزوه .. واعـذب الحب اصعـبه

لا تصـير الما واطــولك خلـك ابعد من سراب

اكبت الشوق لوصالك وان طغى قمت اكتبه

واعرف انه ما يجيبك لا ســؤال .. ولا جــواب !

لا تعــجّـــب من جــــنوني .. لا ولا تســتغـــربـه

شاعــرٍ يهوى الخيال وعاشـقٍ يهـوى العذاب

يشتعل ليل المدينه وانت برد استعــذبـه

رغــبـتـي يمـّك تنامـت يوم طــوّلت الغـيـاب