يا صديقي..هاك صدري وان لقيـت

به مكــانٍ يحـمل الطـعن .. اطـعنه

من عـرفتك من طعونك ما شكيـت

سهـمـك الطـايـش أرده واحـضـنـه!

كل خــوفي من طــعـونٍ ما تمـيـت

بـس تحــفـر في الجروح المـزمــنه

ما سألتك ليه تخطي وان خطيــت

ما ســألــتك في خطــاك البيـــــنّه

دهشــــتي كانت لأني ما هقـيـت

ســيـفــك بـدمّ الجـــروح .. تزيــّنه!

يكـفي اني في حنايـاهــا دفـيـــت

اعشـــقـه هـذا الـدفـا… لو تلعـــنه

والله اني ما حـزنـت ولا بكــــــــيت

يوم حلمـــي في يدينـــــك تدفــنه

الوفـا ســــقـف تحـت ظــله ربيــت

والصـبــر مني وفـيني مســـــكـنـه

العــزا شــلـته قصـــيـده و انثـنـيت

مـع طــريق من عــرفـتـك مـدمـنه!

جـــيت قبــرٍ فـيه حلمـي وانحنيـت

انبش احســاسٍ دفنـته .. واحضـنه