البارحــة طـــول ليـلي سـاهــرٍ مـا غـفـيـــت

والعــيـن مـن غـــزر مـاها بيـّحت نــونهـا

في ليـلـةٍ مـع هــواجـيس المحــبة ســريـت

واهـل الهـوى كم ليالي سـود يسرونها

ويـا كم تهــربت من همـّي .. وكم قلـت ليـت

ان اللـيـالي تــقـــرّب فايـت ظــعــــونـها

ارجـي خــيـالي يجـــود بصــورة اللي هويــت

لكن عــجـــز لا يصـــــوّر روعـــة فنـــونها

مـزيــونـةٍ . . ما بـعــد واللة بعــمـري رضـيــت

عـدلٍ ..مثـل ظلـمها او سطـــوة عيـونها

اجمل من الحــور .. وافضل من نظـرت ورأيـت

واغـلى من الكــون في مـنظـور مفتونها

لـو كان بالمال تعـــرض جدت فــيـه وشـريـت

وترخــص لهـا الروح راهــنها ومرهــونـها

انا الذي في هـــواها صنــت عـهــد ووفـيــت

واغلى البـشــر ما يعــادل ريحــة ردونها

وانـا الذي باعــنــف انـــواع الغــــرام ابـتـليـت

في جـوهــرة غاليـة كل البـشــر دونـها

نــارٍ وفي قلـبي احمـلـها . . ومنـها اكتـويــت

وهي جــذوة الحـــب مابغيكم تطـفـونها

هي راس مالي وهي ربحـي ومنـها اغتنيت

وهي مشـكلـة حــب ما ودّي تحلــّونـها

اغلىمن الروح عـنـدي وان صدقــت وفـديـت

فـدوة لهـا النـاس .. والدنيا .. ومكنـونها

هي فتـنتي..هي حـياتي.. هي بعد مابغيت

هي رغـــبة القلـب وان زادت بة طعونها

لوهـي ترفّــق بحـالـة من قضى العـمـر ميـت

ويــوم اشّـرت له ... تكلم قال : ياعــونها

ان دعسـجت بي لواحــظها بصـمـت انتهـيـت

وان سلـهمت كنّ سهم الموت بجفونها

وان عـــاودتـنـي نواعــسـها بنـظــره حيــيــت

وان فـارقتـني فانـا يا نـــاس مجـنــونـهـا

انا اسـعــد النـاس حتى لو شـقيـت وفنـيـت

ومن مثلي ادرك رياض الحـب وشلونها؟

قصــيـدتي ما تـوفي .. لو نظـمــت الف بيــت

والحـمـد لله .. كـوني صـــرت مضــنونهـا