سـولفي

	سـولفي يـوم السوالف جاهـا تيّـار الجمــود
حــركـي هـاك الـحــروف وذوّبيــهـا بـالحـرارة
	سـولـفـي هـاك الـكـلام اللـي تنثـر بالـورود
وفصّــلي ثــوب المحبـة واقطـعـي منّــه زرارة
	مـا أحب المـــوت بعـيونـك ولا احـب الركـود
هـذا طبعي من عرفت الكون توقدنـي شرارة
	ولا احب الصاحب اللي يختلق عذر ووعــود
في مــواعيـده ألـم وامــراض أولـــهـا مـــرارة
	ولا أحب اللي يـقـابـلـني بـصـدات وجـحــود
أحـمـدالله مـا بـعــد فــي يوم جرّبـت الـطرارة
	مـاجذبني في حبيبي غير نظــرات وخـدود
ما يحس بها سوى من طاح في جـمره وناره
	الولـع دربـه عســير ولــه مســافــات تــزود
لازم ان قـــلبــك يتـلّـك ليـن تـاصـل باب دارة
	ذقت انا هالذكـريات اللـي عساها مـاتعـود
مـا عليها من حسايف كـلها دمــع وخســارة
	أطربيني يا بعد عمري .. وكلّــش بـالوجـود
أطربيني بالسوالف وانفضي الماضي وغباره
	صارحيني بالمحبة .. وابعـدي عنك الــبرود
حــركـي هــاك الثـلــوج وذوّبيهـا بـاالحـــرارة