إضافة رد
قديم 11-12-2005, 04:38   المشاركة رقم: 1
المعلومات
الكاتب:
عبد الرزاق خلف
اللقب:
شاعر كويتي
الصورة الرمزية
 
الصورة الرمزية عبد الرزاق خلف

البيانات
التسجيل: 12-08-2001
العضوية: 438
الدولة: وطني حبيبي الكويت
المشاركات: 1,805
بمعدل : 0.38 يوميا

التوقيت

الإتصالات
الحالة:
عبد الرزاق خلف غير متواجد حالياً
وسائل الإتصال:

المنتدى : في خاطري شي00
افتراضي مواقف طريفه ومضحكه

الفكره أن يشارك كل عضو بموقف طريف أو موقف مضحك مر به في حياته


الهدف زرع البسمه على شفاه الأخوه الأعضاء والتواصل والتقارب


أبدأ أنا أولاً


أنا إنسان نساي نساي نساي إلى أبعد الحدود
ولأني نساي تحصل لي مواقف كثيرة

لذا سوف أشارك بمواقف متعدده

الموقف الأول

مره كنت رايح للسوق على سيارتي وكانت ليلة عيد الفطر وكان السوق زحمة جداً وكان السوق ما يسكر إلا الساعه 2 الفجر تقريباً كنت أبي أشتري أغراض لي المهم عشان الزحمه صفطت سيارتي في براحه كبيرة كانت قريبه من السوق وحشرت سيارتي بالغصب بين السيارات لين قربتها نزلت شريت أغراضي وخلصت خلال ساعه ورجعت أبي أركب سيارتي ولأني إنسان نساي نسيت وين وقفت سيارتي قعدت أدور على سيارتي وقلبت الدنيا عليها ما لقيتها بعد ساعه من البحث يأست وقررت أني آخذ عربانه وأروح للبيت ولما يسكر السوق وتخف السيارات أرجع أدور على راحتي وفعلاً ركبت عربانه ورحت للبيت ونزلت شوي بعيد عن البيت لأن أخواني ناس شماته والله لا يطيحكم بلسانهم ال..ده على الساعه 3 قلت لواحد من أخواني قطني على السوق قال السوق الحين شنو مو صاحي أنت السوق مسكر قلت له قطني لأني مواعد حلاق يقص شعري وعشان الزحمه قال مر علي الفجر أكون فاضي أخوي طبعاً ما مرت عليه وقطني وظل يراقبني من بعيد أنا على طول من حرك أخوي رحت للسوق اللي نزلت فيه وقمت أدور حواليه لين لقيت سيارتي بروحها بوسط البراحه أخوي شاف السياره من بعيد ومات من الضحك وأنا من شفت السياره طرت من الفرحه لأني لقيتها ال..ده ركبت سيارتي وجيت للبيت طاير أبي أنام وراي صلاة عيد وإلا الحبيب جنبي بالإشاره يطق لي هرن ويأشر لي وميت من الضحك وأنا قاعد أقول بقلبي لا والله رحت وطي وفعلاً كانت فضيحة بين أخواني وكانت سالفة العيد .



الموقف الثاني

كنت توني شاري السياره وقاص الإجازه وأستانس بس واحد يقول لي ودني مشوار وكانت السالفة برمضان وأمي الله يخليها لي قالت ياوليدي ودني للسوق قلت حاضر يمه تامرين أمر وأنا متشقق طبعاً المهم وديت أمي هي وأخوي الصغير ونزلتها للسوق وقالت خلاص يا وليدي روح وأنا متى ما خلصت أدق على تلفونك وتلقاني عند المحل الفلاني أنا رحت للبيت ونطرت وإلا جايين ربعي هلا والله فلان تروح معانا معانا مبارات طائره ونبيك معانا أنا قلت على طول خلاص بس أنتظروني أبدل رياضه وأجي بدلت ورحت معاهم وأنا ناسي أني قطيت أمي بالسوق أصلاً لعبنا طائره وحطيت تلفوني صامت بعد ما خلصت المبارات جيت وإلا تلفوني 27 مكالمه لم يرد عليها نصهم أمي ونهم الثاني أخوي الكبير وأنا أقول يا رب أستر عسى مو صاير شي وأنا ناسي سالفه أمي دقيت على أخوي الكبير أول ما سمع صوتي قال أنت وينك قلت أنا بمخيم ألعب مع ربعي طائره قال وينك عن التلفون قلت حاطه صامت قال أنت مو ناسي شي قلت لا أبد قال تذكر قلت له لا مو ناسي شي قال وين أمك قلت أووووووووووووووووووه أمي نسيتها بالسوق قال لا قلت له الحين أروح أجيبها وكانت الساعه حوالي 12،30 تقريباً قال وأنا أنطرك جبتها من زمان ويالله بالغصب أبوّس راس أمي يالله رضت عني وإلا كانت زعلانه تقول أحد ينسى أمه بالسوق .



الموقف الثالث

مره كنت ماخذ سياره أخوي الكبير لأن سيارتي كانت بالصناعيه وبروح حق عرس واحد من ربعي وأخوي كان متردد يعطيني السياره لأن الصبح عنده دوام قلت له أنا أحط لك المفتاح لما أجي على تلفزيون الصاله ال..ده وافق بالغصب رحت على السياره وصفطتها عند العرس وأنا بالعرس وإلا واحد من الربع ماشفته من 4 سنوات كان يدرس بالخارج وتوه رد طبعاً سلمت عليه وسوالف وضحك قال أمش نتمشى شوي وفعلاً ركبنا سيارته ورحنا وأنا نسيت أني جاي بسياره وهو ما سأل ال..ده بعد التمشي وبعد ساعتين رد وقطني على بيتنا أنا على طول نمت ما دريت وإلا أخوي يقعدني الصبح فلان وين مفتاحالسياره ما لقيته على التلفزيون قلت له أي سياره قال سيارتي اللي عطيتك أياها أمس قلت أنت عطيتني سيارتك كان يزنطني ويقول أيه أنا عطيتك سيارتي وين وديتها مو موجوده بره قلت له وأنا على عيوني النوم أنت متأكد أنك عطيتني السياره قال هذا اللي يبيني أذبحه أنت مو قلت لي تبي تروح عرس واحد من بعك قلت أووووووووووووووووه نسيت السياره صافطه عند العرس قال عجل شلون جيت قلت قطني خويي قال الشرهه مو عليك على اللي يعطيك السياره وراح المسكين لقا سيارته عند العرس وجامها مفتوح يعني أبي أنسم للجامات وفيها تلفونه الحمد لله ما أنسرق وطبعاً بعدها محد من أخواني قام يعطيني سيارته لمده سنه بعدين نسو من كثر سوالفي .



الموقف الرابع

كنت أيام المراهقه وتوني شاري السياره وقاص الإجازه ورحت للسوق شريت أغراض لي وأنا راد للسياره وإلا هذي البنيه المزيونه اللي تطالع وتبتسم أنا ما صدقت من شفتها تضحك قمت أروح وأجي على المحل والبنت تطالع وتبتسم وأنا رايح راد وأطالع وأبتسم ال..ده بعد محاولات غير ناجحه وبسبب مضايقه أصحاب المحلات قررت الإنسحاب وتوجهت للسياره وأنا أطالعها بنظرة وداع وهي ما زالت تنظر لي المهم أنا أطالع فيها وفتحت السياره وعيني على البنت وإلا البنيه فجأه أنفجرت من الضحك ورمت الأغراض اللي في أيدها وحطت يدينها على فمها وماتت من الضحك أنا إستغربت وقلت في قلبي الظاهر أنا حظي ما جاء إلا على وحده مجنونه مو صاحيه الله يشفيها وأنا أطالع لها ومستغرب ليه تضحك مديت يدي بالمفتاح أبي أحطه في مكان التشغيل وإلا ما في مكان التشغيل أتلمس السكان ( الدركسون ) وإلا ما كو سكان يوم إلتفت وإلا أنا قاعد بالكشن الخلفي اللي ورا السايق عندها أستوعبت الموقف وجيت أبي أرقع الموقف نزلت يعني أبي أجيب شغله من الأرض لكن الموقف ما يترقع بالمره طبعاً عرّقت مع العلم أننا في فصل الشتاء وأكتشفت إن مو بس البنت هي اللي كانت تضحك كانوا أصحاب المحلات المواجهه كلهم مراقبين الموقف ويضحكون وأنا ألوح بالمفتاح وأبي أحطه بالكشن أقول لكم الصراحه لحد الحين من ذاك اليوم ما مريت هذيك المحلات عشان يمكن أحد من أصحاب المحلات لا الحين يذكرني .



الموقف الخامس والأخير

الموقف هذا طبعاً عقب ما كبرت وتزوجت وجاني 4 بنات وسكنت ببيت بجنب بيوت أخواني وصار جاري واحد من أخواني مره وأنا راد للبيت وأنا أكلم واحد من الربع بالتلفون لمحت سياره أخوي وأشرت له بالليت بس الظاهر ما إنتبه لي المهم لحقته لأننا كنا قريبين من بيوتنا وأنا لحد الآن أكلم صديقي ومنتبه مع صديقي صفط عند بيته صفطت وراه بالسياره ولأني كنت أكلم صديقي ما إنتبهت وإلا هو داش البيت المهم إنتهت المكالمه مع صديقي وسكرت التلفون ونزلت وكان الباب مفتوح طقيت الباب ودشيت وأنا أنادي بأسم أخوي فلان يا فلان وينك لقيت باب الصاله مفتوح كان أدش باب الصاله وأنادي يا عرب وينكم ما دريت وإلا اللي نازل لي من الدرج وإلا جار أخوي أنا قاعد أطالع فيه وأقول هذا فلان جارنا شجابه في بيت أخوي ونازل من الدرج من نص البيت قلت له شعندك هنيا ووين أخوي فلان الرجال على طول فهم أني مضيع وحسبالي داش بيت أخوي وأنا بالحقيقه كنت داش بيته هو لأن جارنا هذا كان يملك سياره نفس شكل سياره أخوي ونفس لونها ونفس موديلها وهو جار أخوي الطوف بالطوف وشكل بيته نفس شكل بيت أخوي لأن كلها بيوت حكومه ومتشابهه قالي حياك الله أقلط بالدوانيه هذا بيت أخوك فلان وهو موجود الحين يجي أنا مثل المصدوم دخلت الدوانيه وأنا معصب وأفكر وإلا الدوانيه مو ديوانيه أخوي وأطالع بالفرش وإلا مو فرش دوانيه أخوي قلت له أنا ويني قال أنت عندي بالبيت كأنه رش علي مي بارد أنا برد وجهي وما دريت شقول أعتذر وأتأسف والرجال أجودي يقول لي ما عليك يا رجال هذا بيت أخوك وهذاك بيت أخوك وأنت جاري والحمد لله ما كان بالبيت أحد من أهله لأنهم كانوا رايحين لبيت أهلهم وكانوا عنده عمال بالبيت يشتغلون بالدور الفوقي ال..ده أنا ما صار لي وجه وكل ما أشوفه أعتذر ونضحك أنا وياه بس صارت سالفه جديده عند أخواني لا الحين يسولفون فيها لين يلقون سالفه جديده تنسيهم هذيك السالفه .



أرجو أن أكون زرعت البسمة على شفاهكم بمواقفي الكثيره وما خفي كان أعظم بس الله يحب الستر

تقبلوا كل الحب












توقيع : عبد الرزاق خلف

صاحبي ما زالت الدنيا بخير
دام فيها مثل شرواك أجودي

عرض البوم صور عبد الرزاق خلف   رد مع اقتباس
قديم 11-12-2005, 05:15   المشاركة رقم: 2
المعلومات
الكاتب:
محمد الوسمي
اللقب:
شاعر سعودي
الصورة الرمزية
 
الصورة الرمزية محمد الوسمي

البيانات
التسجيل: 12-01-2005
العضوية: 926
الدولة: :: بالقرب من حلم ::
المشاركات: 2,626
بمعدل : 0.75 يوميا

التوقيت

الإتصالات
الحالة:
محمد الوسمي غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

عبدالرزاق

اضحكتني اضحك الله سنك
ننتظر بقية الاخوه ومواقفهم












توقيع : محمد الوسمي

لو ( واحد وعشرينك ) اليوم نادتك= قولي لها اللي دايماً لك اقوله:
كل ماكبرتي عام .. تكبر طفولتك = كل المراحل في حياتك طفوله

عرض البوم صور محمد الوسمي   رد مع اقتباس
قديم 12-12-2005, 01:21   المشاركة رقم: 3
المعلومات
الكاتب:
سليمان السناني
اللقب:
المشرف العام
الصورة الرمزية
 
الصورة الرمزية سليمان السناني

البيانات
التسجيل: 01-05-2001
العضوية: 7
المشاركات: 14,765
بمعدل : 3.05 يوميا

التوقيت

الإتصالات
الحالة:
سليمان السناني غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

مواقف جميلة وطريفه .. بالذات ركوبك بالمقعد الخلفي وهذه الحركه
حصلت كثيراً لعدد من الأصدقاء ولأسباب مختلفه

أحدهم كان منهمكاً بقراءة جريدة وفتح باب السيارة وعندما
استقرّ على المقعد التفت فإذا بامرأة إلى جواره فبدأها بالصراخ
قبل أن تبدأ هي وسط موجة ضحك جميع من تابع الموقف بما
فيهم صاحب السيارة الذي خرج لتوّه من السوبر ماركت

تحياتي لك يا أبا نوف ودمت بذات الفوضوية اللطيفة التي لا يكاد
يخلو منها شاعر












توقيع : سليمان السناني

عرض البوم صور سليمان السناني   رد مع اقتباس
قديم 12-12-2005, 02:37   المشاركة رقم: 4
المعلومات
الكاتب:
عبد الرزاق خلف
اللقب:
شاعر كويتي
الصورة الرمزية
 
الصورة الرمزية عبد الرزاق خلف

البيانات
التسجيل: 12-08-2001
العضوية: 438
الدولة: وطني حبيبي الكويت
المشاركات: 1,805
بمعدل : 0.38 يوميا

التوقيت

الإتصالات
الحالة:
عبد الرزاق خلف غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

اقتباس:
المشاركة الأصلية كتبت بواسطة محمد الوسمي
عبدالرزاق

اضحكتني اضحك الله سنك
ننتظر بقية الاخوه ومواقفهم


هلا فيك أبو جاسم

محمد الوسمي

ما في عذر أول موقفك أنت بعدين يتشجعون أخوانا الأعضاء ويشاركون

الهدف مثل ما قلنا زرع الإبتسامه على الشفاة

والتقارب في ما بيننا أكثر وأكثر

ونبي مصداقيه ما نبي أحد يحط نفسه سوبرمان


تقبل كل الحب وبإنتظار موقفك الطريف

ومادام دخلت هنا يبقا أنت اللي جنيت على نفسك


لازم تشارك


باقة حب لقلبك أيها الوسمي الجميل













توقيع : عبد الرزاق خلف

صاحبي ما زالت الدنيا بخير
دام فيها مثل شرواك أجودي

عرض البوم صور عبد الرزاق خلف   رد مع اقتباس
قديم 14-12-2005, 00:01   المشاركة رقم: 5
المعلومات
الكاتب:
ينابيع السبيعي
اللقب:
مشرفة
الصورة الرمزية
 
الصورة الرمزية ينابيع السبيعي

البيانات
التسجيل: 11-01-2005
العضوية: 903
المشاركات: 2,872
بمعدل : 0.82 يوميا

التوقيت

الإتصالات
الحالة:
ينابيع السبيعي غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي


وننتظر مواقف جميلة بعد
الله يسعد قلبك يا خوي عبد الرزاق
ومتى ما تذكرت موقف شاركت
أكثر مواقفي
أختك
ينابيع السبيعي












توقيع : ينابيع السبيعي

توقيعي

رفقا بشعر في خيام بياني =ربيته فسما كغصن البان
أرضعته لبن الفصيح وأعيني =ترعاه طفلا عابثا بجناني
حتى تمرَّد عن شعوري حينها=صفقت مرحى يا بني الإنسان
ورأيته عَلماً يرفرف صبوة =فوق القوافي سامقَ البنيان
ينابيع السبيعي

تفضل هنا
لزيارة موقعي الشخصي ولك تقديري

عرض البوم صور ينابيع السبيعي   رد مع اقتباس
قديم 17-12-2005, 04:22   المشاركة رقم: 6
المعلومات
الكاتب:
عبد الرزاق خلف
اللقب:
شاعر كويتي
الصورة الرمزية
 
الصورة الرمزية عبد الرزاق خلف

البيانات
التسجيل: 12-08-2001
العضوية: 438
الدولة: وطني حبيبي الكويت
المشاركات: 1,805
بمعدل : 0.38 يوميا

التوقيت

الإتصالات
الحالة:
عبد الرزاق خلف غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

اقتباس:
المشاركة الأصلية كتبت بواسطة سليمان السناني
مواقف جميلة وطريفه .. بالذات ركوبك بالمقعد الخلفي وهذه الحركه
حصلت كثيراً لعدد من الأصدقاء ولأسباب مختلفه

أحدهم كان منهمكاً بقراءة جريدة وفتح باب السيارة وعندما
استقرّ على المقعد التفت فإذا بامرأة إلى جواره فبدأها بالصراخ
قبل أن تبدأ هي وسط موجة ضحك جميع من تابع الموقف بما
فيهم صاحب السيارة الذي خرج لتوّه من السوبر ماركت

تحياتي لك يا أبا نوف ودمت بذات الفوضوية اللطيفة التي لا يكاد
يخلو منها شاعر


هههههههههههههههههههههههههههههههههههههههههههههههههههههه

أبو يزيد عيني بعينك يا طيّب

هو أحد الأصدقاء وإلا .......

على العموم موقف طريف جداً وإذا في موقف شخصي ثاني نرجوا العوده



باقة حب لقلبك الجميل أبو يزيد













توقيع : عبد الرزاق خلف

صاحبي ما زالت الدنيا بخير
دام فيها مثل شرواك أجودي

عرض البوم صور عبد الرزاق خلف   رد مع اقتباس
قديم 17-12-2005, 05:38   المشاركة رقم: 7
المعلومات
الكاتب:
محمد عيضه
اللقب:
شاعر سعودي
الصورة الرمزية
 
الصورة الرمزية محمد عيضه

البيانات
التسجيل: 11-01-2005
العضوية: 858
المشاركات: 545
بمعدل : 0.16 يوميا

التوقيت

الإتصالات
الحالة:
محمد عيضه غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

امتعتني اخوي عبدالرزاق

وفضايح الشعراء راح تطلع هنا


المهم كل واحد يكون صريح مايقول واحد من اصدقائي زي بعض الناس


عبدالرزاق

سليمان













توقيع : محمد عيضه

فتنة المرأة....
عيونها...
في خشوع الصلاة...!

mohd3z@hotmail.com

عرض البوم صور محمد عيضه   رد مع اقتباس
قديم 19-12-2005, 23:18   المشاركة رقم: 8
المعلومات
الكاتب:
سليمان السناني
اللقب:
المشرف العام
الصورة الرمزية
 
الصورة الرمزية سليمان السناني

البيانات
التسجيل: 01-05-2001
العضوية: 7
المشاركات: 14,765
بمعدل : 3.05 يوميا

التوقيت

الإتصالات
الحالة:
سليمان السناني غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

اقتباس:
المشاركة الأصلية كتبت بواسطة عبد الرزاق خلف

أبو يزيد عيني بعينك يا طيّب

هو أحد الأصدقاء وإلا .......

اقتباس:
المشاركة الأصلية كتبت بواسطة محمد عيضه

المهم كل واحد يكون صريح مايقول واحد من اصدقائي زي بعض الناس


عبدالرزاق

سليمان



يا جماعه والله ما هو أنا

أنا صارت لي بس سيارة الرجال ما كان فيها أحد
وكمان ما احد انتبه

باقة حب لقلبيكما أيضاً












توقيع : سليمان السناني

عرض البوم صور سليمان السناني   رد مع اقتباس
قديم 20-12-2005, 03:01   المشاركة رقم: 9
المعلومات
الكاتب:
عبد الرزاق خلف
اللقب:
شاعر كويتي
الصورة الرمزية
 
الصورة الرمزية عبد الرزاق خلف

البيانات
التسجيل: 12-08-2001
العضوية: 438
الدولة: وطني حبيبي الكويت
المشاركات: 1,805
بمعدل : 0.38 يوميا

التوقيت

الإتصالات
الحالة:
عبد الرزاق خلف غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

اقتباس:
المشاركة الأصلية كتبت بواسطة ينابيع السبيعي

وننتظر مواقف جميلة بعد
الله يسعد قلبك يا خوي عبد الرزاق
ومتى ما تذكرت موقف شاركت
أكثر مواقفي
أختك
ينابيع السبيعي



هلا فيك أختي الكريمة ينابيع

أسعد الله أيامك دائماً


نتمنا أن نكون قد نجحنا في رسم إبتسامه على ثغرك

أختي الكريمة



بإنتظار مواقفك الجميلة



تقبلي باقة حب لقلبك












توقيع : عبد الرزاق خلف

صاحبي ما زالت الدنيا بخير
دام فيها مثل شرواك أجودي

عرض البوم صور عبد الرزاق خلف   رد مع اقتباس
قديم 25-12-2005, 01:47   المشاركة رقم: 10
المعلومات
الكاتب:
عبد الرزاق خلف
اللقب:
شاعر كويتي
الصورة الرمزية
 
الصورة الرمزية عبد الرزاق خلف

البيانات
التسجيل: 12-08-2001
العضوية: 438
الدولة: وطني حبيبي الكويت
المشاركات: 1,805
بمعدل : 0.38 يوميا

التوقيت

الإتصالات
الحالة:
عبد الرزاق خلف غير متواجد حالياً
وسائل الإتصال:

كاتب الموضوع : عبد الرزاق خلف المنتدى : في خاطري شي00
افتراضي

اقتباس:
المشاركة الأصلية كتبت بواسطة محمد عيضه
امتعتني اخوي عبدالرزاق

وفضايح الشعراء راح تطلع هنا


المهم كل واحد يكون صريح مايقول واحد من اصدقائي زي بعض الناس


عبدالرزاق

سليمان




هههههههههههههههههههههههههههههههههههههههههههههههه


فعلاً راح تطلع فضايح لو بس الواحد يرخي الحبل حبتين




ظلمنا أبو يزيد والرجال يقول الصج



هو صادق مثل حبّه الصادق



باقة حب لقلبك أخوي محمد












توقيع : عبد الرزاق خلف

صاحبي ما زالت الدنيا بخير
دام فيها مثل شرواك أجودي

عرض البوم صور عبد الرزاق خلف   رد مع اقتباس
إضافة رد




الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:45.

الاتصال بنا - سوالف ليل - الأرشيف - الأعلى

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.